Mau ma’ona nōna poro e maha nō Pātitifā tei ta’ahi atu mai Koran ‘e tae atu i te tahua tū’arora’a nō Palau. Fārereira’a mātāmua roa teie i rotopū nā tauatini piti hānere (1200) mā’ona hou te mau ha’utira’a a ha’amata ai. « Mea maita’i roa te pupu, ‘ua ineine maita’i, mau taure’are’a ana’e tei haere mai i roto i teie tata’ura’a. Hina’aro rātou e ha’amata nō te mea, rahi te mau ta’ata tei tae mai nō teie tata’ura’a. ‘Aita terā noa hoa, fa’afa’aitoito maita’i i te mau taure’are’a, te feiā ‘āpī », i te reo fa’ahiahia ‘o Hiromana Flores, ra’atira hoe va’a nō te pupu mā’iti a Tahiti.
‘Aita te ua ‘i fa’ataupupū noa a’e i teie porotēra’a.
‘Ua rave te mau ‘aito nō Tahiti hō’ē haka, te aura’a, te reira fenua e tāna peu, teie ato’a te ‘una’una nō teie Heiva tū’aro nō Pātitifā. « ‘Ua fa’a’ite mai te mau fenua i tā rātou hīro’a, tae noa atu tō Vanuatu, tō Kiribati, Hāmoa. Pau roa terā mau fenua nō Pātitifā, ‘ua ‘āfa’i mai ratou i tō ratou mau peu, ‘e tā ratou mau mā’ona nō te tata’u i roto i teie mini tū’aro nō Palau », Teva Bernadino, mero nō te pū COPF.
‘Ua ha’amata te mau tata’ura’a, 18 feti’a i haruhia mai e te mau mā’ona nō Tahiti i te mahana mātamua. E 9 feti’a ‘auro, ‘e 7 feti’a moni ‘e 2 feti’a veo.
