‘Ua ha’amata fa’ahou te mau mā’imira’a, i teie nei po’ipo’i mahana piti, i Fa’aroa ‘ia ‘itehia mai ‘o Emmanuel Teriitaohia, pi’i-noa-hia pāpā Hape, tei mo’e i te mahana mā’a ra, i te area nō te hora 11 i te avatea, i muri a’e hō’ē pe’ape’a ‘utuāfare. I teie haerera’a, nā te feti’i tamari’i i arata’i i te mau mā’imira’a.

Nō te 3 o te mahana, ‘ua fa’a’ā’anohia te mau mā’imira’a i roto te i te fa’a, e hi’opo’a-maite-hia te mau fa’a’apu, mā te ti’aturi e, e roa’a mai te tahi mau tāpa’o e ‘ua nā reira atu na ‘o pāpā Hape.

Nō te ‘utuāfare feti’i, ‘aita tō rātou metua tāne i haere atea, nō te mea e ta’ata ma’ima’i ‘ona.