Hau i te 60 rātou o te haere mai i Tahiti nei nō teie nei fa’anahora’a. Taime nō te fa’a’ite i te raura’a o te mau huru rara’a nō Tuha’a Pae mā te fa’a’ohipa i te pae’ore ‘e te ‘ā’eho. O te rara’a pere’o’u o te ha’afaufa’ahia i teie haerera’a.
Te vai ato’a ra te mau moiha’a i hāmanihia e te miro, te ‘aito e tae atu i te mau pūpū. ‘Ua ha’unehia mai te mau tāupo’o, te mau ‘ete, te mau pē’ue…
– PUBLICITE –
‘Ua tarēnahia te mau tata’ura’a nō te ‘ete, te mau tāupo’o fa’anehenehe, te pē’ue menemene ‘e ‘aore ra poro maha ‘e te vāhi fa’a’ite’itera’a nehenehe roa a’e.
I te mau mahana ato’a e ho’o ato’a te feiā rima’ī i te mā’a tumu nō Rurutu, Rimatara, Ra’ivavae ‘e Rapa.
HA’AMĀRAMARAMARA’A
21ra’a o te fa’a’ite’itera’a rima’ī Tuha’a Pae
Mai te 28 nō ‘ātopa tae atu i te 8 nō novema 2024
I te tāmaru o te Fare ‘Āpo’ora’a rahi
Mai te hora 8 i te po’ipo’i i te hora 5 i te ahiahi
