Nō teie ‘ōro’a, ‘ua ‘āmui mai te mau ti’a nō’ te ‘oire ‘e nō te nu’u, te mau ‘ihitai no te manuā ‘e te mau ta’ata nō Papeno’o iho. E ‘ōro’a fa’aha’amana’ora’a i teie fa’ehau nō te pupu « Libération ».

‘I te ‘ōmuara’a ‘āva’e tiunu, ‘ua ha’apūroro ‘o TNTV hō’ē hōho’a e fa’ati’a ra i te parau ‘o Teriieroo a Teriierooiterai. Mai te tau a ‘orometua ha’api’i ai oia hou a tāvana mai ia Papeno’o. ‘Ua ‘itehia ‘ona nō tōna turu pāpū i te tā’amura’a o te fenua i te pupu France Libre.