5 ‘ōpuara’a fa’aeara’a ‘ohipa tei fa’ataehia e te aupupu CISP ‘e te ‘āmuitahira’a o te mau rave ‘ohipa taiete ‘ōperera’a mōrī (UTHP). I roto i te mau anira’a : te ha’amara’ara’a i te moni ‘āva’e anei, ‘e ‘aore ra te mōnī tāhinu ia tae i te taime fa’atuha’ara’a.
I te taiete STDO, te ani ato’a nei te mau aupupu ‘ia ha’amauhia te ti’ara’a ‘ohipa ra’atira pupu ‘e ‘aore rā te ho’ora’a pereo’o fa’auta mōrī ‘āpī.
– PUBLICITE –
Ia ‘ore te mau tau’ara’a parau e manuia, e fa’aea te ‘ohipa i roto i tāua mau taiete ra mai te mahana maha. « E piti fārereira’a tei tupu : hō’ē i te hora 11 i te avatea i te taiete utara’a STDP. 20 noa minuti tō mātou ha’amatara’a, te fa’ara mai nei te fa’aterera’a e te hina’aro nei ‘ona ia ‘itehia te rāve’a nō te pāhono i te mau anira’a ‘āmui, hou a tuatāpapa ai i te mau anira’a ta’a’ē i te ‘āva’e ra nō tenuare 2024 », i te reo ‘o Cyril Le Gayic nō te aupupu CSIP. I te piti o te fārereira’a, hō’ē ā huru. Te tīa’i nei rātou i te rurura’a ‘āmui tarēnahia ‘ananahi e te mau taiete ‘ōpere mōrī nō te tuatāpapa nā mua i te mau anira’a ‘āmui ».
Mai te mea e tupu te fa’aeara’a ‘ohipa, e riro te ‘ōperera’a mōrī i te taupupu roa nō te mau pereo’o anei e tae atu i te mau pahī e fano nei nā te mau motu.
I Air Tahiti, ua ha’amata te mau rurura’a i te mahana mā’a ra i rotopū i te fa’aterera’a e te aupupu ihi reva SPNTPF. Mai te mea ‘e’ita te mana’o ‘o nā pae e piti e tū, mau te terera’a ‘ohipa a mahana maha.
