‘Ua ha’amauhia teie ha’apahura’a pape ‘i te hō’ē vāhi teitei tāpiri noa ‘i te pū fa’au’i mā’ohi e te pū ‘ōperera’a uira SPL ‘i Fa’aroa.
Te fā o teie patura’a, ‘ia ‘ore te mau pereo’o tūpohe auahi ‘ia ‘ere ‘i te pape ‘i te taime ‘a tupu ai te ‘ati auahi.
– PUBLICITE –
‘I te reo ‘o Teiva Roopinia, rave ‘ohipa nā te ‘oire : « ‘ua ha’amauhia teie ha’apahura’a pape a te ‘oire i te hō’ē vāhi teitei, ‘inaha tei reira te mau pou ‘āuri pape fa’ataahia. ‘Aita ‘ona e pāhono fa’ahou ra ‘i te parau nō te faito pūai o te pape, e ‘aita e nava’i fa’ahou ra te pape ».
‘Ia au te fa’ahepora’a, tītauhia hō’ē faito 120 metera ‘āfata pape e tano e fa’a’ohipa e 2 hora i te maoro. ‘I roto ‘i teie ha’apahura’a ‘āpī, 190 metera ‘āfata pape e vai ra e nehenehe ‘oia e arai ‘i te mau ‘ati auahi. ‘Ua riro ato’a teie ha’apahura’a pape, ‘ei fa’a’ōhiera’a ‘i te ‘ohipa a te mau fa’ehau tūpohe auahi.
